အနံ့ပြင်းသလို … အစွမ်းလည်းပြင်းတဲ့ ကြက်သွန်ဖြူ
ကြက်သွန်ဖြူကို လူအများစုက ကြိုက်ကြပေမယ့် … သူ့ရဲ့ ပြင်းလှတဲ့ အနံ့ကြောင့် အများနဲ့ပြောဆိုဆက်ဆံရတဲ့ အလုပ်ခွင်တွင်းနဲ့ ပါ့ဘလစ်နေရာမျိုးကို ရှောင်ပြီး အိမ်မှာသာစားကြတာများပါတယ် ။တစ်ချို့ကလည်း ကြက်သွန်ဖြူကို ဟင်းခတ်အမွေးကြိုင်နေဖြင့် ဆီသတ်စားကြသလို ၊ တစ်ချို့ကလည်း အသုတ်လိုမျိုး ၊ ဘိတ်ချဉ်လိုမျိုး ထည့်သုံးကြတယ် ။ ဒါ့ပြင် ကြက်သွန်ဖြူကို ဆီချက်ချက်ပြီး အသီးရွက်တွေနဲ့ အသုတ်လုပ်ရာတွင်လည်းကောင်း ၊ လ္ဘက်နဲ့ တွဲဖက်ပြီးတော့လည်းကောင်းစားကြတယ် … ။ ကျွန်မလည်း ကြက်သွန်ဖြူကြိုက်ပေမယ့် ….. အများနဲ့ ဆက်ဆံနေရတဲ့ လုပ်ငန်းခွင်အလုပ်ချိန်တွင်းမှာတော့ မစားဖြစ်ပါဘူး … ။ ကြက်သွန်ဖြူက အနံ့ ပြင်းသလို သူ့ရဲ့ ဆေးဖက်ဝင်မှုကလည်း ပြင်းပြင်းပျပျ ရှိလှပါတယ် … ။
ကြက်သွန်ဖြူစားခြင်းအားဖြင့် ကိုလက်စထရော(အဆီဓါတ်) ကိုလျော့ကျစေခြင်း ၊ သွေးကြောတွင်းသွေးခဲမှုကို ဟန့်တားပေးခြင်း ၊ သွေးဥမွှားများ စုခဲခြင်းတို့ကို ထိန်းချုပ်ပေးခြင်း ၊ နှလုံးရောဂါဖြစ်ပွားမှုနှုန်းကို လျော့ချပေးခြင်း ၊ သွေးပျစ်ခဲမှုကို ကျဲစေခြင်း ၊ သွေးလည်ပတ်မှုကို ကောင်းမွန်စေခြင်း ၊ အဆစ်မြစ်နာကျင်ကိုက်ခဲမှုတွေကို သက်သာစေခြင်း ၊ ပန်းနာရောဂါထမှုကို ကာကွယ်ပေးခြင်း ၊ ဆီးလမ်းကြောင်းရောဂါဖြစ်ပွားမှုကို လျှော့နည်းစေခြင်း ၊ ဗိုက်ကယ်ခြင်း၊ လိပ်ခေါင်းသွေးယိုခြင်းနဲ့ အူတွင်းရောဂါ စတဲ့ … အစာအိမ်နဲ့ အူလမ်းကြောင်းဆိုင်ရာ ရောဂါများကို လျော့နည်း စေပါတယ် … ။
ကြက်သွန်ဖြူမှာ ပါတဲ့ ajoene ဓါတ်က သွေးခဲမှုကို ဟန့်တား တားဆီးပေးပြီး ၊ အာရီနယ်လင်ဟိုမုန်း၊ ပရိုစတာဂလင်အေနဲ့ အီးဟိုမုန်းတို့ပါလို့ သွေးတိုးရောဂါအတွက်များစွာ အထောက်ကူပြုပါတယ် ။ ကြက်သွန်ဖြူမှာ အင်တီအောက်ဆီးဒင့် ဓါတ်တိုးပစ္စည်း ပယ်ဖျက်ဓါတ် ၁၅မျိုးလောက်ပါတာကြောင့် နှလုံးရောဂါကာကွယ်မှုကိုလည်း အထောက်ကူပြုပါတယ် ။ ကိုလက်စထရော ၁၀%ကနေ ၁၅ %ထိ နည်းပါးလျော့ကျစေဖို့ … တစ်နေ့ကို ကြက်သွန်ဖြူ သုံးမွှာလောက်စားပေးသင့်ပါတယ် ။ ကြက်သွန်ဖြူဟာ ဆေးဖက်ဝင်လှပြီး တစ်နေ့ နှစ်မွှာလောက်စားရုံနဲ့ သွေးကြောတွင်းသွေးခဲမှုကို တားဆီနိုင်ပါသတဲ့ … ။ ကြက်သွန်ဖြူစားပေးခြင်းအားဖြင့် သွေးလည်ပတ်မှုကို ပိုမိုကောင်းမွန်စေတာကြောင့် သွေးပျစ်ခဲခြင်းမှ သွေးကျဲခြင်းအတွက်ကိုလည်း အထောက်ပံ့ဖြစ်စေပါတယ် ။ ဒါ့ပြင် သွေးလည်ပတ်မှုကောင်းစေခြင်းကြောင့်လည်း သွေးချို ၊ ဆီးချိုရောဂါတွေကို သက်သာစေနိုင်စွမ်းရှိပါတယ် ။ ပန်းနာရင်ကြပ်အခံရှိသူများအနေဖြင့်လည်း ရောဂါပြန်မထအောင် ကာကွယ်ပေးနိုင်ပါသေးတယ် ။ အစာအိမ် အူလမ်းကြောင်း ၊ လိပ်ခေါင်းသွေးယို ၊ ဆီးလမ်းကြောင်းရောဂါတွေကိုပါ လျော့နည်းစေတဲ့ ကြက်သွန်ဇြူကို တတ်နိုင်သလောက်စားပေးသင့်ပါတယ် … ။
ကြက်သွန်ဖြူကို နည်းအမျိုးမျိုးဖြင့် စားသောက်ရမှ … စွမ်းရည်အမြင့်ဆုံးကိုရရှိဖို့ဆိုလျှင် ကြက်သွန်ဖြူကို ခွာပြီး ဆယ့်ငါးမိနစ်ခန့် လေသလပ်ခံပြီးမှသာ ချက်ပြုတ်ကြော်လှော် ၊ အစိမ်းစားသင့်ပါတယ် ။ ၁၅ မိနစ်လေသလပ်ခံနေတဲ့ အချိန်တွင်း အောက်ဆီဂျင်နဲ့ ဓါတ်ပြုမှုမှ အမြင့်ဆုံးစွမ်းရည်တွေ ရှိလာတာကြောင့်ပါလို့ မှတ်သားရပါတယ် ။ ကြက်သွန်ဖြူကိုချက်ရာတွင်လည်း … ချဉ်သောအသီး၊ အချဉ်ဓါတ်ရှိသော ဟင်းသီးဟင်းရွက်များနှင့် ရွေးချက်လျှင်လည်း သင့်တော်ပါတယ် … ။ ကြက်သွန်ဖြူရဲ့ ajoene ဓါတ်ကို အချဉ်ဓါတ်က အလေလွင့်မဖြစ်အောင် ထိန်းချုပ်ထားနိုင်လို့ပါပဲ … ။
အနံ့ပြင်းလို့ ကြက်သွန်ဖြူမစားရဲတဲ့ လူတွေအတွက်လည်း ကြက်သွန်ဖြူကနေ ထုတ်လုပ်ထားတဲ့ ဆေးတွေ … ဈေးကွက်တွင်းအများကြီးပေါ်ထွက်လာကြပါပြီ ။ အစာလည်းဆေး ၊ ဆေးလည်း အစာဆိုတဲ့ စကားရှိတာမို့ … အိမ်သုံးဟင်းခတ်အမွှေးကြိုင်ကြက်သွန်ဖြူစားရင်း … အသက်ရှည်၍ အနာမဲ့ကြပါစေလို့ ဆန္ဒပြုလိုက်ရပါတယ်နော် ။
No comments:
Post a Comment